• Вт. Май 24th, 2022

Toyota-ն կդադարեցնի գործարանի աշխատանքը Ռուսաստանում եւ ավտոմեքենաների մատակարարումները երկիր

Автор:admin123

Мар 3, 2022

Toyota-ն հայտարարել է, որ կդադարեցնի գործունեությունը Ռուսաստանում իր միակ գործարանում եւ կկասեցնի ավտոմեքենաների մատակարարումը երկիր՝ պատճառաբանելով ուկրաինական ճգնաժամի հետ կապված «մատակարարման շղթայի խափանումները», հաղորդում է AFP-ն:

Ընկերությունը հայտնել է, որ Սանկտ Պետերբուրգում իր գործարանն անցյալ տարի մոտ 80.000 ավտոմեքենա է արտադրել, հիմնականում՝ ռուսական շուկայի համար, ինչը ճապոնական ընկերության կողմից ամբողջ աշխարհում արտադրված 10.5 միլիոն ավտոմեքենաների միայն մի փոքր մասն է կազմում:

«Toyota Motor Russia-ն մարտի 4-ից կդադարեցնի արտադրությունը Սանկտ Պետերբուրգի իր գործարանում եւ կկասեցնի ավտոմեքենաների ներմուծումը մինչեւ հետագա ծանուցում՝ մատակարարման շղթայի խափանումների պատճառով»,- ասվում է ընկերության հայտարարության մեջ:

Սանկտ Պետերբուրգում գտնվող գործարանում աշխատում է մոտ 2600 մարդ, AFP-ին հայտնել է Toyota-ի ներկայացուցիչը՝ հաստատելով, որ մատակարարումների խափանումը կապված է հակամարտության հետ:

Toyota-ն Ուկրաինայում գործարաններ չունի, սակայն վաճառքները երկրում դադարեցվել էին փետրվարի 24-ից։

 

(Visited 5 times, 1 visits today)

Добавить комментарий

Ваш адрес email не будет опубликован.